继巴士阿叔後, 香港又一荣誉出品----飞机阿姐 Part 1 *** 乘客篇 *** 话说出发果日7/7 CX504 班机系09:10am起飞, 咁我08:45一上到机因为太疲倦就即刻训着?……… 开头都feel到架机开始行紧,去到起飞跑道突然间又停?大概成15分钟, 跟住听到有个空姐用广东话,国语同英语广播 : 请所有乘客将手上行李放回座位下 ,.......多谢合作! 当时周围d人已经昅睇下边条粉肠咁麻烦,但都无发现... 再过多15分钟(已经9:45am)又听到广播, 今次系机师 (用英文,内容大致上系) : 而家因为经济客舱有两位乘客, 唔愿意听机组人员劝吁,将手上行李放?适当位置, 所以我地起飞时间将会延迟,如有不便,敬请原谅! 全机人即时起哄 + 粗口 (我都有参与), 当大家好努力要搵出凶手时, 突然d空中小姐+少爷好紧张走来走去, 我听到其中一个话 : 开番道机门比佢地入黎..... 隔?一阵就见到有3至4个机场保安同2个航空公司d大粒行去机尾右边窗口位, 个凶手终於现身啦......... 呢条友唔系亚伯亚婆或者国内同胞,而系一名廿令三十年岁,个样都ok o既香港女子, 其实件事已经发展到要呢条X婆(请原谅我咁称呼佢,因为佢实在好不知所谓)落机, 佢地扰攘?15分钟,佢都"赖死唔走",重要同佢地拗点解要佢落机, 真系佢X味呀.... 已经10:00am,救星终於到o勒........ 有3个警察o黎到,开头都系劝果条女自己行落机, 但条女都系用拖字诀"赖死唔走", 重同个帮办讲话搭开都唔洗将个袋放落地下, 点解今次又要....... 连个帮办都顶佢唔顺话(都几恶) : ?.....小姐,我而家比最後一次机会你, 如果你再唔合作,我地会立即采取拘捕行动! 条女即刻"笠晒水",拿拿声?住佢个装?金银珠宝, 价值$5,.xxx o既名贵GUCCI jolicoeur bag开始行出机舱, 咁我地全机人都好君子用热烈o既掌声欢送佢(当中夹杂?d英文粗口), 佢重好串同我地话 : 唔关我事o架,系佢地(机舱人员)太执着, 我个袋大?两寸,系都要我放落椅底咋喎! 真系佢X味呀 x 10000000.... 重有同佢同行果两个fd都同佢一齐落?机, 真系累街坊 最惨系d空中小姐同少爷, 又要由头check过晒d行李舱.... 搅到10:20am先可以起飞(足足迟?成粒几钟,真系X佢个肺) 後来坐?我隔离个日本婆问我, 知唔知个女人系乜野国籍? 我只系好?咁答佢 : 系一个中国人! 我重将当时情况影?相(尝试post啦), 如果有人系识佢o既话, 唔该教下佢搭飞机o既规举啦! Part2 *** 飞机阿姐篇 *** 今次搭飞机真系好激气lor 无端端要落返机都有 架机都明明行紧架啦 行紧即系无事啦 做乜要人放个袋落地下o者 虽然个GUCCI系贵, 但我唔系矜贵到连放个袋落地下都唔肯果只女仔黎 但系我D野放晒系个袋入面 成日要乌低身拎野,好唔方便架嘛 咁我之前都试过咁啦,又唔见人地话我 我点知间间航空公司都唔同规矩o者 开头都好声好气同佢讲,点知唔知边个咁麻烦 走去叫机师开咪 咁大间公司虾我地几个女仔,都唔知知唔知丑 阿may叫我唔好同佢地嘈,阻住班机走 我话又唔系我地错,就算阻住都系佢地阻住之嘛 咁,我见佢地讲极都唔明,咪叫佢地个经理出黎同我讲 点知真系激死我 一开门就几个保安走过黎 有冇搞错呀,我地几个女仔咋,而家捉恐怖份子咩 我已经无心机同佢地嘈,已经坐返系到 扣返好安全带,叫佢地唔驶理我,唔好阻住其他人 点知又走几个差人上黎 仲粗声粗气同我讲话会拉我 算啦,我都无晒mood,咪即刻拎返晒D野走咯,以後都唔搭呢间公司添呀 呢次我对香港D男人真系好失望lor 成个过程我地几个女仔咁比人虾法 都无人过黎同我地出声 都唔知系咪男人黎架 ...... 激鬼死我.... Part 3 *** 空姐篇 *** 我想讲....... 本人就正正系当日呢班机其中一位空中服务员! 想问版主你o系边度转贴呢个女仔既"心声"呢?? 真系....震惊到令我写个服字......我完 全无谂过...佢系咁谂!!! (--＞觉得我地虾佢...大姐, 唔好玩啦, 知唔知我地调呢班可 以o系日本留一日既机有几难呀, 我只系想快快去到日本即刻出downtown shopping, 而家 系你虾紧我地) 当日我地其实同佢解释过好多次, 放个袋去地下只系起飞同降落o个数十分钟, 绝对唔会 如佢所讲 "成日要乌低身拎野,好唔方便架嘛" , 因为安全带灯一off左, 佢就可以抱番住 佢个宝贝.......但真系唔明点解讲极佢都唔听 我地以为佢怕整污糟个袋 (even唔系名牌, 亦有可能系有记念价值等等whatever...总之 连原因都帮佢谂埋), 叫佢放上去行李柜, 佢话太高(?!), 我地话帮佢放, 佢唔肯...话之 後会帮佢拎番落o黎, 又唔肯.......咁话不如放去衣柜啦, 又唔高, 佢又唔肯 不过好彩, 当日作为乘客既你地都好体谅, 亦明白呢个女人系有问题....我地o个下大家 都有少少惊其他人会觉得"有冇搞错呀你地d空姐咁烦架, 咪由佢抱住个袋罗", 点知大家 都咁体谅...真系好感动.... (佢落机o个下, 我真系想同大家一齐拍手大叫, 但着住制服on duty中又唔可以, 去到日 本之後, 我地十几个同事爆笑左整日, 呢件事更加成为左我地公司同事之间茶余饭後既话 题!!) --

※ 发信站: 批踢踢实业坊(ptt.cc) ◆ From: 218.254.167.28