【白色强人．专访】郭晋安用奸样演绎好人：相信我今日嘅功力做到 撰文：董欣琪 2019-07-12 21:30 最後更新日期：2019-07-14 13:03 「其实YT唔系奸角」，相信每一位看完《白色强人》的观众都会有同感。入行超过30年的 郭晋安，演过无数经典角色，但原来这次是他第一次穿上医生袍演戏。在剧中饰演脑神经 外科医生杨逸滔（YT）的安仔，为了实现医改大计，不择手段。正当观众以为他又是奸到 出汁之际，安仔再次用演技证明，其实用奸的方法去演绎一个好人，才是最高境界。 服装提供：DURBAN 场地提供：香港九龙贝尔特酒店 《白色强人》是安仔入行以来首次穿上医生袍演戏，虽然过往有不少经典医疗剧，但他就 认为这次的角色很特别：「呢个人物有理性同感性两面，理性嗰面系佢要推行医改方案， 如果有人拦阻，佢会毫不考虑将佢哋筛走，系一个好深谋远虑，天机算尽嘅人物。但当佢 救人嘅时候佢又将感性嗰面表露无遗，好有人性。佢对John哥（姜大卫）系唔会卖人情、 唔会畀面佢，但对Ali（李佳芯）、张曦雯就系真情嘅一面，马国明就再特别啲，同佢嘅 戏会立体啲、好玩啲。佢以为我唔系一个正直嘅人，同我搞对抗，喺咁嘅角力底下，我对 住佢就会有好多唔同嘅表现。」 剧集播映之初他被定义为「奸角」，但相信有追看的观众都会发现其实YT是一位好医生， 对此，安仔也有同感：「奸角嘅定义就系杀人放火啦，为求目的无恶不作，但YT唔系讲紧 个人嘅利益，佢可以用好多唔同嘅方法表达，而我就选取咗一个令观众觉得佢系一个反派 嘅人物去表达。我相信我今日嘅功力可以做到，正如《忠奸人》佢唔似一个反派，但又无 恶不作。」 由《与敌同行》、《忠奸人》、《再创世纪》再到《白色强人》，安仔近年演活了不少奸 角，但他从不担心会在一对仔女心目中留下坏人的形象：「佢哋知呢个系我嘅工作，就算 我唔讲，佢哋啲同学都会讲『寻日你爸爸杀人呀』，但系佢哋明系做戏。」不过安仔就透 露一对仔女不会看他的剧集，因为看不懂：「佢哋睇Marvel就会明。而家啲小朋友未必会 坐定定睇一套剧集，我都期望有一日佢哋睇返我嘅作品嘅时候会对我了解多啲。我唔会要 求佢今日睇，可能某一年佢会将我全部嘅作品睇一次，所以我希望我之後嘅作品都有一个 欣赏价值喺度。」 YT在剧中是一个说一不二、权力至上的人，但在现实生活中安仔就好尊重家人的意见：「 我系一家之主，但我会好融入佢哋个世界。小朋友呢个年纪会面对好多情绪嘅波动，我就 会好控制自己嘅情绪去对佢哋。可能佢哋会有好多投诉，我都会尽量唔好俾佢哋嘅情绪牵 引。」 《白色强人》是安仔与TVB经理人合约的最後一部剧集，剧集由开播到结局都好评如潮， 不少人都睇好安仔夺得视帝：「到时先谂啦，我唔会因为呢个成绩引申到有咩奖，我拍嘅 时候冇咁谂，到播嘅时候都唔会谂住，或者到时先睇下观众嘅回响。奖都只系嗰一晚颁畀 你，但如果一套剧可以令人重复再睇，嗰个满足感会再大啲。」 去年安仔决定离开TVB，转投王祖蓝的经理人公司，除了想转换一下工作环境之外，他也 坦言离不开一个「钱」字：「价钱好紧要，如果唔系高嘅话，咁我不如继续喺TVB啦。当 然佢哋真系畀到好高嘅价钱，呢个亦系吸引我哋返内地拍剧嘅原因。我只可以话你畀咁嘅 价钱，唔会浪费，我一定会做到呢个价钱要嘅嘢。」安仔如今每年只拍一套TVB剧集，但 如果同内地剧撞期，他又会点拣呢？「如果剧本好好，价钱又好高，我会叫经理人叫佢迟 啲先拍罗。反正佢要我郭晋安一定知道我会帮佢赚到钱，非我不做嘅，咪是但一个推迟罗 ，呢个系经理人嘅问题，经理人会头痛过我，我唔需要谂。」 Source: HK01 shorturl.at/nFITZ 安仔~ --

※ 发信站: 批踢踢实业坊(ptt.cc), 来自: 119.236.22.198 (香港) ※ 文章网址: https://webptt.com/cn.aspx?n=bbs/HK-drama/M.1564277116.A.3CC.html ※ 编辑: wasabi1 (119.236.22.198 香港), 07/28/2019 09:26:12 ※ 编辑: wasabi1 (119.236.22.198 香港), 07/28/2019 09:28:28