细述合作甜酸苦辣　郑裕玲撩发哥想当年 【on.cc东网专讯】 周润发在《东网巨星》全新节目《发哥有Say》爆料，指曾情倾70年 代电视剧经典萤幕女友郑裕玲（DoDo），今日DoDo就在自己主持的电台节目中，大谈与发 哥合作趣事！ 赶剧攰到同发哥瞓街 DoDo表示跟发哥拍剧的时间最长：「特别系《网中人》，成80集，拍咗9个月，套剧系一 路拍一路出街，我哋真系试过喺条街度瞓。之後套剧好收得，即刻再开剧，《网中人》我 哋做有钱人，但《亲情》我做工厂女工，佢做车房仔，嗰套都成80集，但好彩我五十几集 就『瓜咗』，开心晒，不过都拍咗半年，所以加埋对咗佢一年几，真系一擘大眼就见到佢 ，嗰阵我住广播道，喺旧TVB附近，所以行过去就返工。」 爆角色不死之谜 她又踢爆发哥爱用方法演技来入戏：「我叫佢做发仔，佢嗰阵用方法演技，《网中人》我 哋做情侣，佢专登买个wallet（钱包），可以摆到相嘅，未开工前我哋就影咗啲亲密照， 佢特登叫摄影房晒番几张2R相摆喺个wallet入面，嗰个系佢平时会用嘅wallet。（有冇暗 喜？）冇谂呢样嘢啦，嗰阵佳视（佳视电视台）执咗，好彩TVB搵我，任何机会都博到尽 。（所以唔理啲男女私情？）系啦，我从来都唔谂，我冇咁单料铜煲，做嘢还做嘢。不过 见佢用啲咁嘅方法又几得意，佢嗰阵同陈玉莲拍拖，我哋仲一齐饮茶。我都有问佢惊唔惊 女朋友唔锺意，佢就话『因为我哋唔系咁熟，但又要做一pair，一嚟就要拍，所以要代入 。』之後就受欢迎啦！《亲情》中间我死咗，观众唔锺意，我仲要上《K-100》解释同希 望大家继续支持，所以之後就唔敢再整死我。」 当发哥半个屋企人 DoDo大赞发哥是超级好拍档：「发仔真系好好人，好照顾拍档，有一次演《火凤凰》我哋 喺九龙塘拍外景揸跑车戏，我嗰日唔舒服，但唔敢同导演请假，因为对咗发仔咁耐，好似 半个屋企人，所以同佢讲我唔舒服，跟住架车即刻『蓬』一声开咗去，原来佢车我去药房 买药，之後先车返去拍嘢，我惊人误会，我哋嗰日系喺九龙塘，但只系拍嘢。所以佢好照 顾拍档，非常唔自私，如果系你嘅戏就唔会抢。」 遗失发哥合照 在节目中DoDo呼吁发哥上她节目受访：「发仔，大家合作咁耐，你都60岁人，可以想当年 嘅人有几多，你嗰阵仲未喺荷里活、内地，而系大家仲青春、捱紧嗰阵，所以你可以上嚟 怀缅吓，冇乜几多人可以做到，希望你可以上嚟，几点都得，好早都得，跟住放你去行山 兼买餸。（发哥话你依家有黄子华喎？）佢笑住讲啫，佢乜都知，乜都有留意，我怀疑佢 依家都喺度听紧。（你去九龙城撞发哥？）点撞呀？不过多年前我喺西贡拍《男亲女爱》 片头嗰阵真系撞到佢，行姐（陈彦行）当时好开心，我哋有影相，但啲相唔知去晒边。」 冇发哥联络方法 DoDo又表示没有发哥电话：「得佢fax咋，个fax仲要唔系佢嘅，只系fax到佢经理人。（ 用email搵佢？）你觉得佢会有email咩？不过我试过有次喺又一城撞过发嫂，发嫂好热情 ，仲即刻揽住我。」 http://goo.gl/IjF4yn --

※ 发信站: 批踢踢实业坊(ptt.cc), 来自: 112.119.254.229 ※ 文章网址: https://webptt.com/cn.aspx?n=bbs/HK-drama/M.1454585218.A.BBF.html