来源：http://www.am730.com.hk/article-271933 文：77合作社 图 http://www.am730.com.hk/uploads/articles/271933/143638444398652photo.jpg 过去几廿年，香港某大电视台出过唔少推理剧，剧情丰富，收视高，的确辉煌一时。不过 大家都唔系唔知，美、日、韩推理剧同小说，一向都系本港编剧度桥嘅灵感泉源，以致剧 情周不时都见到赤川次郎、《纽约重案组》、柯南、《CSI》嘅影子，但编剧们又总不能 搬字过纸，点都要加少少自己嘢，港式推理剧嘅必备元素，亦因而诞生。 1. 专业人士 主角事必要系专业人士，干探、侦探、法医、律师、物理学家实中一瓣，再唔系几瓣夹埋 都得，古装点算？衙差、捕快、知县、巡府，仲有埋轻功帮助破案，仲易搞呀！外国剧都 系咁上下戏路，不过港剧近年都多咗保险佬、戏剧大师之类，算进步咗喇！ 2. 每周一单case 大家都知外国推理剧系一集一单案，剧情好紧凑，至於港式推理剧就系一个礼拜两单案， 一单古仔做足3至4集，古装包大人呢类仲一个星期一单案，剧情进展慢到你唔信，其实魔 童都曾经送过一班新晋编剧出国学嘢，为观众带嚟少少曙光，不过下场系点唔使多讲，所 以暂时都咪使旨意香港有呢种剧。 3. 完美主角 睇咗咁多年，港式推理剧嘅主角们，全部都生理同心理都fit到漏，《栋笃神探》嘅莫探 员叫做最渣嘅一个，事关佢有哮喘，唔可以抱住个女主角逃出火海，外国编剧好早已经意 识到主角太完美好假罗！所以会帮主角加番啲洁癖、狂躁、抑郁之类嘅缺陷。 4. 疑凶自爆 唔知点解，港式推理剧只要你捉住疑凶问佢系咪凶手，佢实会先系一副「你点知㗎」嘅款 ，之後就会话「系呀！系我做嘅！」或者「对唔住，系我做嘅！」，接住就会将自己啲衰 嘢，连埋你唔知嘅都自爆出嚟，如果现实中嘅贼系咁合作就好罗，唔使请律师兼悭番唔少 啲公帑。 5. 案件重演 港式推理剧喺疑凶自爆之後，唔使等《警讯》，就会直接进入案件重演，画面颜色奉旨黑 白或者淡色，由当事人将单案由头到尾，点样杀人、点样埋屍、点样嫁祸同点样误导警方 ，都会一五一十呈现喺观众眼前，所以，基本上睇完呢分几钟，就等如睇晒咁多集嘅故事 。 6. v.o.配画面 电视台一般都认为案件重演，唔足以令平日家务繁重嘅太太们，又或者视力唔太好嘅公公 婆婆，睇得明单案嘅始末，所以好细心咁加上v.o.，即系旁白，例如演员当刻目露凶光， 对白就系「呢一刻我决定要杀咗佢」，又例如疑凶掘紧泥埋屍，v.o.都会讲清楚「我埋咗 条屍」，果然照顾周到。 7. 同志系凶手？ 早前都有报道话，港式推理剧入面有亲同性恋者都系凶手，就早几个月嘅《八卦神探》， 入面周宝霖饰演嘅女同性恋者就系一个连环杀手，仲有《通天干探》嘅郑嘉颖同埋《人间 蒸发》嘅袁洁仪都系同性恋者兼杀人犯，就算唔系杀人犯，都无乜几个系好人，唔知呢啲 算唔算系偏见呢？ 8. 爱情、爱情再爱情 唔知系咪觉得香港人感情生活非常枯燥，编剧们老虎蟹都要帮主角加感情线，最经典都算 《刑侦IV》出动到两王四后，好似无爱情就无人睇咁，不过话时话，真系有编剧讲过，曾 经有套剧因为无爱情线，结果收视仆直仲差啲腰斩，讲到咁，真系无嘢好讲，惟有承认观 众真系好需要爱情嘅滋润。 9. 孖生解药 明白好多时编剧们日日扭桥，唔排除会扭到条桥复杂到拆唔到，唔使惊，呢个时候系孖生 兄弟或者孖生姊妹出现嘅时候，好似《迷离档案》嘅蒋志光同《刑侦IV》嘅邵美琪就患上 咗精神分裂而犯案，就连HKTV嘅《警界线》，最终都要用孖生呢条桥嚟拆掂潘朵拉嘅身份 。 10. 合该有事 一班主角，经历咗一个做咗三十年差佬都未必遇过嘅奇案，去到结局篇，仲唔将啲主角一 镬熟推上高潮咩？所以最後一单案，主角唔系俾人屈就系俾人跣到周身蚁，仲要将女主角 同全家拉埋落水，最常见就系胁持绑架，唔信问吓宣萱？ --

※ 发信站: 批踢踢实业坊(ptt.cc), 来自: 180.177.43.27 ※ 文章网址: https://webptt.com/cn.aspx?n=bbs/HK-drama/M.1436415331.A.D27.html