公视新闻网 https://news.pts.org.tw/article/788287 传讯息用华语倚音表达台语 民众看甲雾嗄嗄 发布时间：2025/12/30 19:15 更新时间：2025/12/30 21:13 林郁凯 / 地方报导 https://www.youtube.com/watch?v=aYAK1OIq70s 这几工伫网路顶有济济网友分享，厝里的序大定定会传一寡予人捎无摠的汉字，用华语的 倚音来表达台语，予人看着雾嗄嗄，嘛真爱笑。有学者指出，这款火星文的情形和教育有 关系，因为台湾对2001年开始才有台语课，所以大部份的序大，是毋知影台语有字的。（ 新闻标题、导言及内文皆为台语文） 有网友伫网路贴文，讲老爸传讯息，问伊有紮锁匙无，两工内已经有9万外人揤赞，嘛有 真济网友分享这款华语透滥台语的情形。亲像「欧规条有没有超生了」，就是台语芋粿条 敢有臭酸的意思，桌顶有囥乌甜仔、也予序细听甲雾嗄嗄。四神汤、冬粉的写法，嘛予真 济人看着爱笑。有台文系的学生分享，厝里的序大，嘛会定定传台语火星文予伊，伊拢会 去共in教正确的台文字。 台师大台文系学生 陈意茹 一开始我会共in(长辈)纠正这毋是按呢写 伊正确的字是按怎後来in伫咧佮朋友讲话的时 阵有当时仔滥着台语就会先传讯息来问我讲这字的台语是欲按怎写 有台文系教授指出，台湾多数人毋知影台语有字，这和教育有关系。因为台湾是对2001年 开始才有台语课，毋过因为彼阵干焦国小才有，所以教学的深度、和延续性拢无够。 台师大台文系教授 蔡惠名 过去伫咧2001年90课纲其实伊就干焦锁伫咧国小，伊可能就是唱歌 较济就是唱歌，国小 敢真正会去教台罗拼音，真正教足深的台语汉字，其实较济嘛是教华台共同词 学者表示知影台语有字的学生，是2018年国家言语发展法、三读通过了後，规个国家动起 来，才开始有进步的现象。 台师大台语系教授 蔡惠名 这摆的国家语言发展法通过了後，有一个无仝款的所在，就是头拄仔有讲的伊有延伸，因 为咱咧学习的过程内底，总是爱有记持，记持总是长期阁较好是毋是，所以伊会当延伸到 国中延伸到高中，阁有另外一个就是我头拄仔讲的，规个社会其实是咧振动的 学者认为民众需要先建立台语正字的观念，才来发展趣味的倚音，若是欠缺台语正字的观 念，这款火星文颠倒会予人看甲雾嗄嗄、真歹理解。 记者郑亚宣 林郁凯台北报导 郑宇汘/编辑 --

※ 发信站: 批踢踢实业坊(ptt.cc), 来自: 111.255.109.101 (台湾) ※ 文章网址: https://webptt.com/cn.aspx?n=bbs/Gossiping/M.1767105159.A.25B.html