＊最近王菲这位「单身贵族天后」，都与谢霆锋扯上恋闻 ，点解大缆都扯唔埋木令人信以为真？ 有人话谢霆锋专爱比自己年纪大o既女人，因为自细到大冇安全感， 但又急於表现自己系一个成熟男人，故追求大自己十年o既女人， 一定会认为够MAN，而且因为一班朋友玩埋唔会介意年龄问题， 故以朋友为基础，要开始感情亦唔难。 但「E姐」就「八」到，今次原来系有人刻意向传媒放料， 皆因追求不遂，於是一拍两散。呢位仁兄出名锺意「照顾」女明星， 尤其他手头咁多娱乐事业，故不少女艺人都会见到佢好自然放o下电 甚至「友谊交流」，惟独是王菲例外，即使对方送一只十五万钻石表 做见面礼，王菲话：「我冇钱买咩？点解要送？」毫无情面地拒绝， 对方无瘾之余，见到报章影到她与霆锋在Green Spot露面， 就觉有机可乘，然有介事拣o左张报纸当独家料报道， 然後又安排旗下刊物做独家访问，迫到大家信到十足， 然後就将责任推晒落传媒作料，最惨霆锋又以为自己系「情圣」， 做足老豆翻版，真系发力狂追天后，谂住用音乐热诚抵住家财、地位 o既距离，真系祝佢好运，「E姐」谂佢应该同童童（王菲女）玩得好埋， 因为大家年纪相近，代沟少o的o罗。 http://www2.netvigator.com/ente/ezone/gossips/E_main.html --

※ 发信站: 批踢踢实业坊(ptt.twbbs.org) ◆ From: 210.200.103.27