远近 作词：廖文强 作曲：廖文强 你用双手的针线　紩出我大部份的青春 老针车的声　是伴我眠梦的歌 针空一工一工愈来愈细 线头开出一蕊一蕊的花 你拢讲无要紧　但是目睭袂讲白贼话 徛甲愈近愈看袂清楚 菜单顶悬的字这马拢看无 你讲不如就看予远远 眼前的事　就毋免阁烦恼 远到越头拢看袂清　恁犹原阁放袂记 我已经是会当照顾好家己的大人 敢讲犹是无够近　犹袂当予恁放心 伫恁需要我的时　我会踮伫恁的身边 你双手扞的 ha-too-luh 载我逐工出门读书 振动的计程车　是我困甲上四序的眠床仔 颜色一工一工愈来愈浊 体力一冬一冬愈来愈无 你拢讲免烦恼　但是生活已不再轻可 徛甲愈远愈看袂清楚 khang-pang 顶悬的字这马拢看无 你讲不如就看予近近 未来的事　就毋免阁烦恼 远到越头拢看袂清 恁犹原阁放袂记 我已经是会当照顾好家己的大人 敢讲犹是无够近　犹袂当予恁放心 伫恁需要我的时 我会踮伫恁的身边 远到回头拢看无影　咱双手愈毋甘放 咱一直是远近袂当磨灭的思念 我双手的十支手指头　予我弹音乐唱歌予恁听 记持中的恁　犹原是青春的少年仔 年岁一工一工愈来愈长 目镜一副一副愈来愈重 镜片中的恁　皱痕已经深甲无地藏 镜片外的恁　请阁加陪我行一站 MV：https://youtu.be/w8yQkAvRnV4 --

※ 发信站: 批踢踢实业坊(ptt.cc), 来自: 118.171.71.58 (台湾) ※ 文章网址: https://webptt.com/cn.aspx?n=bbs/ChrisLiao/M.1627729052.A.A50.html ※ 编辑: where2go (118.171.54.30 台湾), 08/08/2021 20:13:21