黄耀明出柜：我系基佬！ 别怕，爱本是无罪！今年踏入50岁的黄耀明，前晚在红馆演绎完同性恋歌曲後，慢慢地除 下头上的帽， 当着逾万观众面前，严肃而勇敢地大声宣告「出柜」：「我系同性恋者，我系Gay，基佬 ！」 明哥还矢言希望争取香港同性恋结婚合法化，型到爆！ 继已故巨星张国荣、导演关锦鹏、歌手林一峰後，出道27年的黄耀明，成为香港娱乐圈第 4位大胆直认同性恋艺人！前晚明哥和刘以达在红馆举行尾场「达明一派兜兜转转演演唱 唱会」，全场逾万观众座无虚席，还吸引杨千嬅、蔡一智夫妇、蔡一杰、古巨基、薛凯琪 等捧场，千嬅和智嫂两个大肚婆high到企起身拍掌，全场观众亦情绪高涨，气氛热爆。 全场尖叫 当个唱进行至尾声，戴住帽破格造型的明哥，演绎完同志歌《禁色》和《忘记他是她》後 ，缓慢地除下帽放在台上，然後步近台前观众，严肃说：「第一晚啲人问我黄耀明系咪同 志？如果嗰句意思系地下党，我唔系地下党同志，由1988年借陈少琪支笔写《禁色》，然 後1989年借周耀辉支笔写《忘记他是她》，我从来冇隐瞒我嘅身份。」 然後，明哥勇敢地大声向着逾万观众直认「出柜」：「我系同性恋者，我系基佬，我希望 其他同性恋人同基佬唔需要惊，唔需要好似《禁色》歌词：『愿某日子，不须苦痛忍耐， 将禁色尽染在梦魂内……让我就此消失这晚风雨内，可再生在某梦幻年代。』」全场尖叫 拆天，掌声雷动，捧场的众星全部企身拍掌支持，更有观众感动落泪。 抛开禁忌的明哥，坦荡荡地直斥社会守旧：「我哋系21世纪，唔需要再梦幻有一日爱边个 人，唔需要你批准，唔需要大家去猜我系咪同志。」明哥再次高呼：「我系同性恋者，我 系G~a~y，Gay，基佬，我锺意男人；唔好意思各位传媒扫你哋兴，我仲要唱25年歌，你哋 唔需要再问我呢个话题，以後冇嘢可以再讲，今晚讲完就算，多谢大家。」接着出场的阿 达走近明哥，说：「今晚令我好感动，我都好爱明哥，神都好爱明哥，神爱同志、病人、 罪人。」 完骚後，达明在庆功宴接受访问，明哥否认有部署公开基民身份，问是否如释重负？他坦 言：「从来冇重担，点解今晚会讲，系因为自己唱咗咁多年歌，社会都冇变过，年轻一代 唔敢话畀屋企人知，依家21世纪，呢个骚好关於香港，但价值观愈嚟愈恐怖、唔开放，所 以我觉得应该攞出嚟讲。」问会否鼓励同行基民效法？明哥说：「唔鼓励，每人有唔同做 法，有啲人好惊呢样嘢，但我觉得唔需要恐惧，但亦唔需要撩出嚟，系个人选择。」 男友捧场 明哥坦言男友有捧场，问他会否结婚？他笑说：「暂时唔会，因为香港冇，下一步希望为 香港争取权利。」此外，问明哥公开基佬身份怕唔怕返大陆有阻碍？他反问：「点解？如 果我唔畀入去好大件事，大陆好多呢啲人，如果系咁国家退步得好紧要。」昨晚明哥在微 博留言：「谁介意晚节会不保，笑一笑已苍老。谢谢各位，I'm Pretty Happy and Gay。 」 此外，明哥「Come Out」承认自己性取向，同志组织香港彩虹发言人Tommy表示，虽未有 计划邀请明哥宣传两性问题，但直言极欣赏其勇敢行为，认为这是勇气及忠於自己的表现 。 采访：音乐组 内有影片： http://orientaldaily.on.cc/cnt/entertainment/20120425/00282_001.html --

※ 发信站: 批踢踢实业坊(ptt.cc) ◆ From: 60.199.230.180