From web site "Andy Super Mania" by angel 04 Feb 02　 昨天的聚会，华仔未出场时，播了在三个颁奖礼中华仔得奖的片段，我o地就好似现场 听到华仔得奖咁o既心情睇 TV，每得一个奖，就大叫「华仔、华仔 … 」又拍晒手掌 !! 在台上则放了华仔今年拿的 15 o个奖。华仔出场时，(身穿黑色冷衫，灯芯戎裤， 白波鞋) 大会正播着《呖咕呖咕》主题曲，曲是《男儿当自强》，由林夕写上新词《男 儿当食南》，华仔也跟住唱，我o地就打拍子，边拍华仔就叫拍慢o的，唱唔到 ... 之後在场 fans 一齐同华仔讲：「呖咕呖咕你最好」，华仔听完就雏晒眉问点解 ，我o地话只系亲番套戏罗。开过香槟之後，就系答问环节，过程十分精采好好笑，笑 足全场 - 1小时50分。真系几难形俾你o地听，只讲重点好了： 1) 华仔：头先只歌叫《男儿当食南》 　Fans A：咁女人食乜呀？ 　华仔：我点知女人食乜呀 ... 食当归呀 ... 女人当食归 ... 哈哈 ... 女人食当归 ... 　小朋友：女人当食饭 ... 　华仔：哦 ... 女人当食饭 ... 哈 ... 男人唔使食饭呀 ... 2) 天幕现在筹备中的一套戏叫《金菠萝》，刘伟强执导，系一套动作片，暑假 　 上影。《蓝血人》会在复活节上影。年中会拍一套斗智片，由杜琪峰执导。 　 《头文字D》，并不是天幕的戏，现在只是计划当中，一切都要待定。唱片方 　 面，年中会出国语碟，年尾广东碟，年尾可能有一个慈善演唱会。 3) 由今年 1月1日开始，华仔会做番自己唱片，不再由NMG付责，公司叫 Multi- 　 Talent。 由於我o地当时o个样好似唔系咁明佢讲乜啦 ... 　 华仔就话：系咪好深?? 　 Fans：系 ... 　 华仔：系罗，好心有好报 4) 演唱会方面，3月会到美加。今年日本没有演唱会，4月那个是 IBM 的私人聚 　 会，是给 IBM TOP 100 Sales 的聚会。台湾方面，由於还在洽谈中，应该会改 　 期至 7 -8 月。中国内地都是在 7 -8 月。 5) 华仔初三去柏林，初八返到香港。前天帮吴君如预录节目，年初一会播。大 　 家要记住听《哗哗哗打到o黎》。节目还请了苏民峰帮华仔算命，苏话华仔由 　 18 岁开始行运至78岁，我o地就当然拍晒手掌啦！ 　华仔：你o地咁都信呀?? 　 众fans：信 ... 　 Fans A：唔信 ... 红到 88 呀 !!　 　 华仔：苏民峰话我逢 2 或3 尾会特别旺 ... 92、93... 　 Venus：噫，今日系 2 月3 号，你咪好旺 ... 　 华仔：如果要结婚呢 ... 就 6 或7字尾 ... 2006、2007 ... 　 Fans：哗!! 系 6 月 7 月 呀 ~~~ 6) Fans A：华仔 ... 噫 ! 台上边无o左 TVB o个奖o既 ... 　 华仔：(望住张台) 有呀 … 呢个咪系罗 ~~ 　 Fans A：又话个奖值38万o既 ... 　 华仔：佢o地话o者 ... (走向张台，拷下个奖) …噫 …实芯o架喎!! 传俾你o地 　 睇下喇 ... (真系传 ... ) 　 华仔：你唔好括(o的金) 呀 ~~~ 7) 有一内地 Fans 问华仔旧年10月有无返新会祭祖，华仔话无。 　 Fans：你可唔可以话俾我知你返几时返新会，住系边? 　 华仔：我好少返o架。 　 Fans：我o地无乜机会见到你。 　 华仔：咁我o地搞多o的聚会 。(o个样都好疑惑) 　 Fans：我o地一年先可以落o黎一个月。 　 (到呢一刻，全场人先知佢系 overseas fans) 　 华仔：我下次返新会，系个网话俾大家知，但系就唔会写住系边，你o地撞 　　　　下啦。 　 Fans：上次刘爸去新会 ... 有电视台做访问。 　 华仔：呀 ... 做访问 ... 等我返去拷问下佢先得。 　 Fans：刘爸好慈祥 ... 　 华仔：系呀，我阿爸o的『磁场』好劲o架 ... 8) Fans B：喂~ 华仔呀 ... (全场笑， 因为好似讲电话咁，先喂~) 　 华仔：(倒转o个咪，扮电话听筒) 喂~ 　 Fans B：喂~ 华仔呀 ... (全场再笑) 　 Fans B：喂~ 华仔呀 ... (华仔当时笑到"人仰马翻") 　 华仔答过问题後 (我都唔记得佢问乜) 就话：喂~ 断线 ... 我最唔钟意d 人 cup 　 我线! 9) Fans B 错误地将「呖咕呖咕」讲成 「咕噜咕噜」。 　 华仔：呀...《咕噜咕噜新年肉》 　 Fans B：我记错你钟意食咕噜肉嘛。 10) 众Fans：华仔要派利是 ... 　 华仔：点解要派 ... 我都未结婚 ... 我无o架喎 ... 你o地问下嘉莉、阿 Paul、Maggie，我有无俾利是。 　 Fans：你系老板喎 ... 　 华仔：你o地又唔系同我打工 ... 　 Fans：系o架 ... 　 华仔： 乜你o地系过程中无得过小小欢乐咩 ~~ 　 另一fans：华仔你封利是，唔一定要系钱，可以写o的o野俾我o地。 　 华仔：写 「财神」咁呀 ... 影印得唔得 ... 　 Fans：唔得 ~~~~ 11) 华仔话试下影新屋 video 俾我o地睇。 12) 华仔应 Fans 要求，扮多次金鱼 ... 好好好笑!! 13) Fans：(坐系度问问题) 华仔 ... 　 华仔见唔到佢，望o左去後边 ... (全场笑) 　 华仔：呀~ 我可以好肯定证明你瘦o左 ... 　 又另一 Fans：华仔 ... (华仔转头, 望住 Venus，以为Venus 叫佢) ... (全场又大笑) 14) 临完场时，再播得奖片段，华仔同我o地一齐再睇。最後系传媒大奖，Fans们 　 立即谂起华仔未唱《永远记得你》。 　 华仔：我成日都唱俾你o地听，我本来系谂住唱俾工作人员听 ... 唔通我要开会叫齐所有人话唱歌俾佢o地听咩 ....... 只想吸多一些新鲜空气 ... (清唱一段) ~ The End ~ -- ▌ ▁▌ ▌▁ ▌|情报员标号: 140.116.24.201 |局中| ◤ ▌ ▌ ▌▃ ▌|隶属☆单位: 中央情报局 (bbs.e-cia.net) |邑情| ◣