爆温拿曾投资无上装吧 谭咏麟：促进旅游业 本地殿堂级乐队温拿与太极，将於明年1月7日假亚洲博览馆合体开骚，《纯音乐LIVE》 演唱会只演一场，最近两队密锣紧鼓排练中，五虎齐人成日话当年。健仔（彭健新）坦言 平日无乜场合玩到，所以一弹就开心；阿B（锺镇涛）形容重温旧歌勾起当年成长日记， 内心激动。而谭校长（谭咏麟）更自爆74年温拿乐队，曾经有份投资湾仔一间「无上装酒 吧」，他用强调语气说：「当年我哋唔系经营黄色事业，只系促进旅游业啫！」 重温昔日经典名曲，温拿5虎即想当年，阿B表示一幕幕排山倒海画面就会回到眼 前，比如在广播道电视台录影日子、外景用菲林拍摄、甚至分别在尖沙咀及湾仔酒吧唱歌 。陈友笑说：「当年美国有好多水兵来港在湾仔蒲吧，後期随越战打完来港嘅水兵渐少， 湾仔嘅酒吧唯有转型做陀地生意，因而成为温拿乐队发源地。」 　　谭校长阿伦说：「嗰时好好笑，好多社团嚟开Party，倾下偈讲吓数，每晚见都有好 多争执，继而动武，每周有4至5次大型『活动』，後来从事警察嘅健仔堂大佬晚晚派部车 喺门口签簿戒备。不过，我哋喺地库弹音乐，班人锺意我哋音乐够热闹够澎拜都带点尊重 ，唔会搞我哋。」不过陈友就爆出惊险事：「佢哋劈友唔会劈埋我哋，有时被劈嘅冲上台 喺我後面，吓到我唔敢乱郁，试过一刀劈喺我背後，好彩通常劈唔中。」 　　阿伦自爆：「因为生意太好，最初由受薪做埋老板，然後将每月收入投资喺对面街嘅 无上装酒吧，不过当时我哋好单纯，加上集团有专人打理，我哋无落过去巡视业务。哈！ 我怕丑兼怕被fing亲，可能啱健仔多啲。」而之後他们全资在中环搞金宝夜总会disco， 纯粹听歌及跳舞，後来因为改名memory，经营4至5年後，因为约满宣告结业。 采访：方骞平 http://hd.stheadline.com/news/daily/ent/521601/ --

※ 发信站: 批踢踢实业坊(ptt.cc), 来自: 36.230.137.182 ※ 文章网址: https://webptt.com/cn.aspx?n=bbs/AlanTam/M.1481347188.A.994.html