郭富城开生日会指挥大合唱　预告下年启动巡唱狂接新片 10月25日(五) 11:28更新 08:29 10月26日系天王郭富城（城城）59岁生日，去年佢大搞生日P，获大批圈中好友出席同贺，今年佢就先同粉丝一齐过，因为仲系Fans Club成立34周年，令到件事更有意义。今次生日会郭富城以一身火红上衣现身，相当喜庆。有粉丝上载现场片段，大爆佢一个人就已经讲足半个钟以上，当然亦有同歌迷互动嘅时间，被大赞又靓仔又有礼貌，对粉丝就似足家人咁亲切。 当中佢兴奋大讲写书法、作画心得，用嚟比喻人生，要不断创新、创作自己嗰团火，自己喺疫情时发展出呢两个新兴趣，同佢平时嘅表演、演技好似，令佢收敛自己内心，加上所有创作都可以自己控制晒，成个层次唔同晒，佢觉得好似自己为自己写咗个剧本一样，更喺台上公开献唱新歌《您》，MV入面个「你」字就系出自佢手笔，系佢亲自创造嘅新字体，代表将所有歌迷嘅心同佢个心串埋一齐，想同大家一同感受呢份心意。席间佢笑言好多粉丝想送礼畀佢，佢就鼓励大家去捐钱去佢嘅慈善基金，做善事更有意义。 佢又表示已经积极准备香港个唱part 2，亦有机会系全新表演，佢仲会即场表演书法、作画，畀大家感受吓佢嘅另一境界。下年1月更会去印尼雅加达开演唱会，佢自己都系第一次去，仲会编排埋下年年中返内地开巡唱。佢一口气预祝定大家圣诞快乐、新年快乐，非常搞笑。 佢续提起拣咗个自己好锺意嘅剧本，2月底就会喺国内开拍，佢亦promise大家去研究拍唔拍《九龙城寨》第二集，入面本身个「杀人王」look自己都有畀意见，觉得角色仲有好多变化，又讲笑指会好辛苦、打到飞起，如果佢决定接拍就会讲畀粉丝听。而3月佢亦会拍摄新电影，角色会好得意，不过佢只肯透露自己会做追债佬，即引起全场哄动。下年佢亦会继续有唔同方面发展，更想拍多啲广告添。 有粉丝亦上载城城切cake片，歌迷会为佢准备一个即席「泼墨」嘅蛋糕，令佢可以展示高超艺术感。之後大会司仪发动台下众人大唱生日歌时，城城就指挥家上身，拎住刀指挥全场大合唱，场面搞笑。佢一切完蛋糕之後，更High爆高举蛋糕刀，个样开心到好似赢咗F1赛车第一名咁开心，即令粉丝尖叫。佢又颁发「学业奖」畀几位读书叻叻嘅小粉丝，佢即提醒大家要记得过程，唔系只计成果，佢一定会喺大家後面support佢哋。 http://i.imgur.com/gLkYVYG.jpg http://i.imgur.com/sTCDkhv.jpg 原文网址：郭富城开生日会指挥大合唱　预告下年启动巡唱狂接新片 | on.cc东网 | 缤FUN星网 https://tinyurl.com/bdbpdyhk ----- Sent from JPTT on my Samsung SM-S9180. -- 我的黑 我的白 变成最灿烂的未来 才明白 天要我等待 一个人到来 变成我唯一色彩 --

※ 发信站: 批踢踢实业坊(ptt.cc), 来自: 106.64.176.201 (台湾) ※ 文章网址: https://webptt.com/cn.aspx?n=bbs/AaronKwok/M.1729830023.A.64E.html