张学友个唱跌低撑到尾　郭富城赞专业：我受伤都唔会讲出嚟！ 08月16日(三) 23:10更新 17:21建立 东网 天王郭富城今日（16日）出席快餐店活动，身体力行推动环保讯息。城城接受访问时，被问到另一天王张学友於演唱会台上跌低依然撑到尾，他说：「学友系专业嘅，好似我受伤都唔会讲出嚟，其实近排我嘅演唱会都发生意外，因为要做个大动作，我踏後咗一步，但个升降台得4尺乘4尺，结果我被夹住只鞋，系完全冇试过咁情形，最终要将升降台放番落去，我先松得开，其实都真系几危险，可以变好大件事。我喺舞台30年都未结试过，原来喺舞台仲有好多要学习嘅地方，细节亦要兼顾。」 对於太太方媛化身Barbie，被网民大赞靓兼皮肤好，又指他识拣太太，城城闻言即开心表示：「我代佢答，多谢大家嘅赞赏。（咁你几时扮Ken？）男朋友？其实我哋喺唔同嘅工作岗位，佢锺意推广美容同时时装，佢会开心，而我就一定喺舞台同电影方面，嚟紧会试搵国际级排舞老师合作。（影到你买珠宝畀太太。）佢咁辛苦，又要相夫教子，佢生日作为老公畀啲小礼物好正常。（你帮佢庆生嘅酒店好靓。）囡囡们当时都嚟埋上海，依家我系Family Man嘛。嗰间酒店我最欣赏系无人机表演，真系大开眼界，嚟紧我应该会返内地巡回演出，会考虑无人机嘅元素，睇吓可唔可以加插喺里面。」 至於大女「大宝」将於9月生日，城城台上提及考虑帮对方於快餐店举行生日会，事後他表示：「其实都要视乎佢嘅意愿，小朋友一定想要大Party，请晒啲同学仔嚟玩。」他又透露「大宝」即将升读小一，目前已有很多自己的想法及和「每事问」，我要好耐心咁去解答。」 https://youtu.be/A5rLXfgUOKk https://youtu.be/_4axr0nRX20 http://i.imgur.com/NuRc4jI.jpg http://i.imgur.com/tGfwOmK.jpg 原文网址： https://tinyurl.com/2rfanu2t ----- Sent from JPTT on my Samsung SM-N960F. -- 你是无可比 呼吸中因你给我空气 你是无可比 枯乾中给我添生气 让我看见了爱 让我看见了真的自己 是你教我去爱 又教我能明白了福气！ --

※ 发信站: 批踢踢实业坊(ptt.cc), 来自: 59.115.71.84 (台湾) ※ 文章网址: https://webptt.com/cn.aspx?n=bbs/AaronKwok/M.1692273199.A.4A8.html