52岁郭富城亲认双喜临门 老婆传怀第二胎 20180905 刘德华51岁得千金（计番出生月份呢，确切嚟讲华仔系50岁做爸爸） 黎明都系51岁做爸爸，饼印B女上周已如演唱会上向歌迷许下嘅承诺，贴上fb同大家开心share。 至於郭富城，咁啱，都系51岁做爸爸，囡囡Chantelle刚喺迪士尼庆祝1岁生日。 张学友就最早结婚最早做爸爸，同女儿年纪相差最近，不过教女方法都令学友好头痛… 不过，《苹果》收到消息，「四大外父」之一郭富城，好快又做爸爸喎！下个月就53岁嘅佢，囡囡刚好1岁，又成功令老婆Moka（方媛）怀孕喇。 本报收到消息称，城城喺囡囡嘅生日派对上，同好友分享话「双喜临门」！ 城城疼鍚囡囡Chantelle，但其实佢都好锺意囝囝。既然第一胎生女，自然就想努力追番个仔啦。 25岁嘅城城，仲未定性，对做爸爸兴趣不大；依家「25对」喇，想法唔同咗，身边友人亦子女成群，令城城更加心急，近50岁左右，已经计划要急起直追，搵啱对象就马上结婚生仔，努力造人，等郭妈妈弄孙为乐；依家Moka先至31岁，城城亦抱持开放态度，欣迎天赐的礼物。Moka亦明白老公心意，於是频向身边人取生仔经兼调理身子。 为咗达成心愿，亦唔想同子女年纪相差太远，自然「勤力」得多，配合不设防措施，所以囡囡啱啱一岁，已经准备迎接第二个小生命喇！ 城城经理人小美傍晚回覆《苹果》谓：「我现阶段就未收到呢方面喜讯，不过如果系真嘅，亦都肯定系开心事。我当然希望听到好消息，亦都希望大家俾多啲祝福城城。」 新闻来源: https://hk.entertainment.appledaily.com/enews/realtime/article/20180905/58646792 【天王女骚哥利】1岁囡囡识弹琴仔 郭富城老婆激赞：好认真 郭富城日前在迪士尼为宝贝囡Chantelle庆祝1岁生日，小公主出世至今，被亲亲爸爸严密保护，城城从来冇在社交网晒囡囡正面相，今早老婆方媛解禁，在Ig晒囡囡弹琴仔嘅短片，小公主低着头弹琴仔，继承天王爸爸音乐天份，只依稀见到Chantelle嘅清秀嘅眉毛、高高鼻仔同白雪雪嘅面珠，超可爱！ 城嫂方媛一副骄傲口脗留言：「好认真弹琴的样子」网民都纷赞：「好棒！要学爸爸的狂野之城呀！」「好可爱啊！小公主」由於短片只得几秒，但都见到Chantelle弹琴嘅手仔肥嘟嘟，虽然系城城嘅小公主，但就没有好似普通小女孩留长头发，反而剪了短发到，头顶夹了一个蝴蝶夹仔，而短片内还见到有架车仔，似乎Chantelle性格活泼好动，似老窦咁锺意玩车车多过玩公仔。 去年4月城城同方媛结婚，同年9月22日喺社交网宣告生女，贴一家三口手牵手相，并写道：「开心、微妙、感恩！我们三人！成长、家庭、守护！」反而城嫂就忍唔住，在母亲节於微博晒抱囡背影相，唔知几时城城会贴囡囡正相靓相呢！ http://i.imgur.com/KTcUfq4.jpg 新闻来源： https://hk.entertainment.appledaily.com/enews/realtime/article/20180905/58646084 ※ 编辑: julie1026 (36.230.169.191), 09/05/2018 19:03:49