【郑嘉颖吓亲人】步惊云重出江湖 郭富城：有好多造型咩？ 20170319 香港苹果日报 http://i.imgur.com/mUgkqST.jpg 一讲起聂风同步惊云两个咁经典嘅港漫角色，脑海好自然会谂起郑伊健同郭富城。不过经 历过噚日之後，伊健同城城地位受到挑战，事关谢天华同郑嘉颖嚟紧有套《风云5D》音乐 剧，分别演聂风同步惊云，噚日两人以新造型亮相大台节目《博爱欢乐传万家》，毫无美 感嘅打扮真系笑死唔少观众。 「初代步惊云」郭富城今日喺珠海国际赛车场举行「郭富城创立车队品牌」发布会，以车 队经理身份将带领「富盛车队」出战极速先锋系列赛。对於「步惊云」重出江湖，城城又 点睇郑嘉颖嘅新造型呢？佢话：「步惊云有好多造型咩？我冇留意，不过祝佢哋嘅舞台剧 演出成功。」 讲番车队，城城表示一直好想成立车队，今次投资好大，未有透露花费，但佢话为车队搵 咗一个有潜质嘅法国车手Olivier Lombard，选拔车手有咩条件？城城话：「呢个法国车 手好浪漫，吸引到女车迷，佢好有潜质，靓仔，揸车又快。」咁城城有冇机会出赛？佢话 ：「我会以工作行先，我系车队老板，会赋予精神同力量畀车队，我都想落场，作为老板 ，落场出赛可以提升赛车技术，不过我未有机会试新车种LMP3，首场赛事5月举行，我希 望可以喺5月初试到车。」 讲到林志颖（小志）亦有车队「平坐车队」，届时亦有机会同场较量，城城话：「好期待 ，我同小志一齐拍《我们十七岁》而成为好朋友，我知佢好热爱赛车运动，而我知自己技 术唔够佢好，所以我会向佢请教，唔知小志用咩车手呢，我会传短讯畀佢，叫佢揸慢啲。 」 城城咁锺意赛车，妈咪同女友方媛会唔会好担心？城城话：「跑道比较安全，永远唔会有 对头车，唔会有人醉驾，做足安全措施，又有专人指示，比马路安全。」如果出赛，女友 会唔会到场打气？佢话：「我都希望会，始终系车队第一次出赛，但我未知几时落场。」 提到「富盛车队」嘅「盛」有开枝散叶意思，城城就话：「呢个『盛』字系我爸爸间金行 个名嘅其中一个字，系纪念爸爸，有种传承之意，希望培育年青车手，咁个人开枝散叶都 好重要，plan紧。」 新闻来源: https://goo.gl/pA71PL --

※ 发信站: 批踢踢实业坊(ptt.cc), 来自: 36.228.14.62 ※ 文章网址: https://webptt.com/cn.aspx?n=bbs/AaronKwok/M.1489918561.A.B07.html ※ 编辑: missjulie (36.228.14.62), 03/19/2017 18:16:52