50岁城城跳得Chok得　网民激赞宝刀未老 01月23日(六) 18:48 【on.cc东网专讯】由两大影帝影后郭富城（城城）同巩俐主演嘅贺岁片《西游记之孙悟 空三打白骨精》上映在即，正当大家热烈期待「史上最帅美猴王」嘅时候，由城城主唱嘅 电影主题曲《就是孙悟空》MV近日率先面世，当中仲穿插咗一啲电影片段等大家先睹为快 。 MV入面，50岁嘅城城同一众Dancers又唱又跳，不断对住镜头放电，搞到网民勾起唔少90 年代回忆，留言话想「动起来」！网民又大赞城城宝刀未老，武起金刚棒功架十足，仲媲 美韩国男团跳嘅「刀群舞」！除咗跳舞劲，首歌亦都非常洗脑，唔少网民话只系听过一次 ，成个脑就已经不停loop住「孙悟空」，话果然由音乐大师金培达作曲、小美填词就系唔 同啲！ 城城为咗呢个MV，仲特登整咗个「金箔悟空头」，呢个头绝对唔系个个都可以Carry到， 有网民就觉得同美国男歌手Justin Timberlake嘅造型有啲相似，亦有网民觉得有啲似公 仔面，睇到即刻觉得好肚饿，认真搞笑！ 网民有话儿： Uerixx Chxxg：郭富城演甚麽都帅惨！ Jamxxxxx：真正舞台王者！50岁仲咁跳得！劲！ Emxxx Nx：好洗脑，听完个脑不停loop... 淼x：同韩国啲「刀群舞」比都唔失色！ Mex Cxxm Lxx：公仔面 官方mv完整版: https://youtu.be/TrKVcbxluxw http://i.imgur.com/cLIQVr1.jpg http://i.imgur.com/kxrOiBO.jpg http://i.imgur.com/OKMsGGJ.jpg http://i.imgur.com/I6NTMC8.jpg http://i.imgur.com/qAbyB2m.jpg http://i.imgur.com/egmEF4y.jpg http://i.imgur.com/RSx5hGp.jpg 资料来源: http://goo.gl/pF4OFL --

※ 发信站: 批踢踢实业坊(ptt.cc), 来自: 111.241.96.224 ※ 文章网址: https://webptt.com/cn.aspx?n=bbs/AaronKwok/M.1453742640.A.FBD.html ※ 编辑: julie1026 (111.241.96.224), 01/26/2016 01:32:22