冯仁昭四围超：400万新林宝落地 城城踩油　直冲老铜 2015-7-15 香港苹果日报 郭富城「新城嫂」曝光喇！不过fans们唔使担心，讲紧嘅系佢啱啱落地嘅林宝坚尼啫！ 城城呢架新款细牛Huracán LP610-4认真唔简单，除咗车价超过400万，速度同样惊人，由0至100km/h加速都只需3.2秒，啱晒锺意速度嘅车主，不过喺香港有冇机会发挥所长，就真系买嗰个先知喇！ 「旧爱」打入冷宫 前晚大约10点，城城一身便服，头都冇gel就揸住新宠、炭灰色嘅「新城嫂」由跑马地驶去铜锣湾，每当遇上直路，城城都会踩大油门，畀架车冲吓，不过始终人多车多、灯位又多，「新城嫂」冇乜发挥机会，之後城城将车小心翼翼泊咗喺利园停车场，离开前仲多次回头望，真系见少一秒都空虚。 其实，城城上年年尾已经买咗架700几万、有「牛中之王」之称嘅林宝坚尼Aventador LP700-4 Roadster，城城仲用自己个英文名「AARON」做车牌，再配厂商为佢特制嘅墨绿色「Aaron tone」。而「新城嫂」嘅车牌，就用咗本来放喺红色法拉利嘅「SKY」，咁究竟系红色法拉利俾城城打入冷宫，定系城城将佢架「KING」，即「新城嫂」嘅上一代款换走咗呢？ 撰文：冯仁昭 http://i.imgur.com/FEjhWeg.jpg 穿便服嘅城城前晚揸新车游铜锣湾，最後将车泊喺利园停车场 http://i.imgur.com/K522S2R.jpg ■城城将原本放喺红色法拉利嘅车牌，转咗摆喺新欢林宝坚尼度。 资料来源: http://goo.gl/IAV6pY --

※ 发信站: 批踢踢实业坊(ptt.cc), 来自: 220.141.118.252 ※ 文章网址: https://webptt.com/cn.aspx?n=bbs/AaronKwok/M.1436934441.A.199.html