城城首度回应旧爱Lynn恋情：戥佢开心 东方日报 01月25日(日) 16:15 【on.cc东网专讯】 天王郭富城（Aaron）出席马场纪念盃活动，他甫出场即与前英格兰 球星米高奥云（Michael Owen）鸡啄唔断，两人友谊显然易见！Aaron表示近来因拍戏而 消瘦不少：「瘦咗好多啊，因为唔系几舒服，喺无锡拍戏好冻，今次系做孙悟空角色，成 身都好多毛。」他续笑谓：「最搞笑系今次返嚟睇医生，医生话我依家个症状系又热又冷 。（打针快好啲？）中医唔主张打啊。（几时再返去拍？）听日做千嬅嘉宾，後日先返去 拍，巩俐等紧我，今次剧组阵容好好，又有大哥（洪金宝）做武术指导，觉得佢好有经验 。（好严格？）佢好严格同好认真。（冇冇伤？）有啲面伤、皮肤受伤，因为啲胶水会溶 ，之後要好好去保护番啲皮肤。」 唔想再讲负面新闻：希望大家尊重番我 谈到最近被指爱o靓妹而成为新闻焦点，他再三表示已在微博交代清楚：「新闻喺微博讲 晒啦，唔想再回应，再回应就变连续剧，同埋我已经宽恕伤害我嘅人。（唔系事实？）微 博已经讲晒啦。（会唔会追究？）唔会追究啦。（经理人小美之前发声明话追究？）微博 讲晒啦。（对你形象有影响唔系第一次？）唔想再兜圈讲呢啲啦，微博已讲晒，最紧要系 做好自己。（以後会唔会再喺社交网站add後辈？）唔再回应嗰啲事啦，因为好多内容同 新闻都唔系事实，呢啲嘢侮辱得我好紧要，希望大家尊重番我。」 唔刻意强求缘份 谈到旧爱熊黛林（Lynn）曾祝福他早日找到另一半，问会否祝福对方现觅得真命天子？他 大方说：「身边每个开心都会祝福。（你会祝福佢？）当然会祝福，我自己呢两年感情空 白，大家关心我嘅时间，我都系摆晒工作上，用心做好工作。（唔dry咩？）缘分天注定 ，唔会刻意强求，呢两年冇谂，只希望完成理想工作，亦希望刻意中伤我嘅人快啲收手啦 。」 要求另一半内外美兼备 问到Lynn曾暗示他让人缺乏安全感？他说：「过去嘅事唔再评论，因为我系男人，好多嘢 放喺心上，我会去承受，外间睇我点点点，我唔会用口去批评任何人，呢个唔系我风格同 态度，男人应该要有风度，呢排见到佢咁幸福，我都好戥佢开心，见到圈内任何人开心， 自己都开心，自己虽然工作辛苦，但依家冇嘢可以令我分心工作，不过我都希望将来上天 安排一个好锡、好体谅同明白我嘅另一半畀我，自己都会谂吓有一个幸福家庭，唔知系咪 我要求高。（要求系咩？）要有内涵，内在美同外在美。」 城城坦言依两年感情空白，会专心工作。 http://ppt.cc/Sv61 城城希望搵到个识体谅同明白佢嘅另一半。 http://ppt.cc/oC4r 城城（中）同奥云超多偈倾，倾到鸡啄唔断。 http://ppt.cc/FVgL 城城（左）同奥云握手示好。 http://ppt.cc/a6D1 大合照 http://ppt.cc/lAEy 影音: http://ppt.cc/UI2h -- 我们把这一刻 变做永恒 心中的歌 唱入灵魂 我为你奉献我最好的情歌 只因为对你 爱 爱 爱不完 对你爱 爱 爱不完 我们说好 永远爱不完... --

※ 发信站: 批踢踢实业坊(ptt.cc), 来自: 220.141.122.60 ※ 文章网址: https://webptt.com/cn.aspx?n=bbs/AaronKwok/M.1422192585.A.494.html