马国明做厌笋盘想学坏 被称为娱圈「笋盘」的马国明，出道以来凭乖仔形象「入屋」，一直不乏观众缘及「雾水 情缘」。但原来他对「乖仔」及「笋盘」等称号不太受落，更讲明想变坏，化身奸角！他 不但大方盘点绯闻对象，更开腔自爆最怕遇上公主病女友！ 呢排接几套都系喜剧，我自觉唔系好叻搞笑，但都唔介意磨练吓笑功。其实我锺意做奸角 ，好似之前喺无綫剧集《真相》客串演洗黑钱嘅会计师都好开心。因为我形象蠢蠢哋，做 衰人反差会好大。入行咁耐都想变吓戏路，增加新鲜感，就算系敏感题材，要打人或非礼 人嘅角色都冇问题。我唔介意畀观众骂，好似之前《真相》套剧出咗街，我落街畀人骂好 衰，感觉个角色成功咗，希望有机会演多啲阴沉同奸险嘅角色。 攞奖讲运 买楼实际 我今年有套《流氓皇帝》会播，凭套剧攞视帝的可能性唔系冇，但要讲运气，观众口味好 难估。我对奖项野心唔大，想搵钱买楼多啲。其实电影方面都有人搵我，但如果要去外地 拍摄，时间又太长，就会担心屋企人。我同无綫仲有两年约，有完约艺人想自组公司，但 我未谂。我做生意麻麻哋，又唔够狠，会畀人呃晒啲钱！都系储钱买楼啱我，不过睇好耐 都未睇啱。因为我打算同屋企人住，如果结咗婚就买埋旁边个单位住，依家要努力搵钱买 两间屋先！ 解构对象 笑看绯闻 大家成日用笋盘形容我，实际上我唔多enjoy，因为唔觉自己笋，未结婚同事业唔差嘅大 有人在。我唔抗拒因为咁而多绯闻，当为工作宣传，双方知咩事就得。好似之前话唐诗咏 黐实我影相，实际上当晚老友食饭，佢咩人都黐，哈哈。而朱千雪就影到同我同车，我成 日认为男仔要gentleman，夜晚12点做完嘢，顺路车埋同事返去好正常。况且嗰晚车上仲 有另一位同事，杂志用「断正」字样遮晒佢个样，激到佢紮紮跳。对於绯闻都系笑吓，点 都好过话同人不和。 唔buy长跑 怕凑公主 相士话我2018或2019年有机会结婚，到时搵到啱嘅女仔拍一年就可以结婚！我份人唔buy 爱情长跑，见啲人一跑完就离婚，似乎拍得太耐反而唔好。爸爸、妈妈对新抱都冇咩要求 ，斯斯文文就得，佢哋都冇催我结婚。至於我份人咁闷，真系要搵个冇咁闷嘅女仔，最好 佢带我周围走。我唔介意畀佢话晒事，大家谂啲，give and take！有啲「小公主」要我 帮佢设计晒啲嘢，我会搞唔掂。晚晚倾电话都唔得，咁我第二日要返工，点晚晚倾？真系 要互相迁就。 身边朋友成日话介绍女仔畀我识，系同徐佳琦呢个朋友食过两次饭，间唔中有短讯联络， 大家又忙住搵银，冇特别发展。对於拍拖，如果稳定咗我会好大方，但最惊未开始或了解 中就畀人话拍咗好耐拖，好尴尬！ 誓会生B 三年抱两 我家姐之前生咗个B，等我父母有孙抱！我自己都锺意小朋友，将来都会生B。不过两至三 个就够，仔女都冇所谓。其实我全部生女都得，做爸爸都锺意女。如果生仔就一齐踢波， 最紧要有人陪佢，一个小朋友太闷喇！我唔使做嘢就一星期踢至少三次波，都算系我唯一 减压方法！ 後记：风趣健谈不木独 提起马国明就自然谂起「笋盘」及「天然呆」，因为他形象健康又乖仔。受访当日见他健 谈风趣，更不避讳地「开心Share」恋爱观！他态度如此大方回答感情提问，实属少见。 外形及性格都如此讨好，被大众封为「马明ＢＢ」实在当之无愧！ 口述：马国明 摄影：李柏儒 笔录：影视组 http://orientaldaily.on.cc/cnt/entertainment/20150404/00282_060.html --

※ 发信站: 批踢踢实业坊(ptt.cc), 来自: 42.3.162.17 ※ 文章网址: https://webptt.com/cn.aspx?n=bbs/HK-drama/M.1428104998.A.4EF.html